विनायक प्राथमिक शाळेत छत्रपती राजर्षी शाहू महाराज यांची जयंती साजरी

*छत्रपती राजर्षी शाहू महाराज धर्मनिरपेक्ष तत्वांचे पालनकर्ते-सौ-किर्तीताई पांगारकर*

    दि-२६ जुन(बीड प्रतिनिधी)-विनायक प्राथमिक शाळेत छत्रपती राजर्षी शाहू महाराजांची जयंती साजरी करण्यात आली.या जयंतीनिमित्त शाळेच्या मुख्याध्यापिका सौ. किर्तीताई पांगारकर व प्रमुख पाहुणे यांनी छत्रपती राजर्षी शाहू महाराजांच्या प्रतिमेचे पूजन केले.याप्रसंगी शाळेचे जेष्ठ शिक्षक श्री.वैजीनाथ गिराम सर, उत्तरेश्वर भारती सर, अशोक काशीद सर, तन्वीर पठाण सर,विवेक गव्हाणे सर,शैला बावस्कर मॅडम, सुनीता चौधरी मॅडम, मुंडे मंगल मॅडम, बाळू काळे सर, अजिंक्य चांदणे सरांनी छत्रपती राजर्षी शाहू महाराजांच्या जीवनकार्यावर माहिती विद्यार्थ्यांना करून दिली.शाळेच्या मुख्याध्यापिका सौ.किर्तीताई पांगारकर यांनी आपल्या अध्यक्षीय मनोगतातून छत्रपती राजर्षी शाहू महाराज हे धरनिरपेक्ष तत्वांचे पालनकर्ते होते व त्यांच्या दूरगामी शिक्षणव्यवस्थेचे आजही चांगले परिणाम आपल्याला पाहायला दिसून येत आहे.त्यांचे विचार, आदर्श नेहमीच आपल्या स्मरणात राहतील त्यांच्या जीवनविषयक कार्याची अजरामर कीर्ती नेहमीच आपल्याला प्रेरणा देईल असे मौलीक मार्गदर्शन विद्यार्थ्यांना केले.शाळेचे शिक्षक श्री.अजिंक्य चांदणे सरांनी शाळेच्या मुख्याध्यापिका यांना छत्रपती राजर्षी शाहू महाराजांच्या जयंती निमित्ताने 'भारताचे संविधान' ग्रंथ हा शाळेला भेट दिला.हा कार्यक्रम यशस्वी करण्यासाठी शाळेतील सर्व शिक्षक, शिक्षिका,शिक्षकेत्तर कर्मचारी यांनी खूप सहकार्य केले.या कार्यक्रमाचे सुंदर सूत्रसंचालन श्री.गणेश भागडे सरांनी केले तर आभार श्रीमती पवळ संजीवनी मॅडम यांनी मानले..

विनायक प्राथमिक शाळेत जागतिक योग दिन साजरा

*विनायक प्राथमिक शाळेत जागतिक योग दिन साजरा*
दि.२१जुन-(बीड प्रतिनिधी)जागतिक योग दिनाच्या निमित्ताने विनायक प्राथमिक शाळा पेठ बीड येथे शाळेच्या मुख्याध्यापिका सौ.किर्तीताई पांगारकर यांच्या मार्गदर्शनाखाली योग साधनेचे आयोजन करण्यात आले.शाळेतील योग प्रशिक्षक शिक्षक श्री.काशीद अशोक सर, सुनीता चौधरी मॅडम,शैलजा बावस्कर मॅडम,भारती क्षीरसागर मॅडम, सिमा उदगीरकर मॅडम, मनीषा चौधरी मॅडम,तन्वीर पठाण सर यांनी शाळेतील विद्यार्थ्यांना योगसाधनेचे महत्व समजावून सांगितले.काही योगासनांची प्रात्यक्षिके स्वतः करून विद्यार्थ्यांना काही आसन करावयास लावले.योग दिनाच्या निमित्ताने शाळेतील मुख्याध्यापिका सौ.किर्तीताई पांगारकर,सर्व शिक्षक ,शिक्षिका, शिक्षकेत्तर कर्मचारी,विद्यार्थी सहभागी झाले होते.अतिशय उत्साहपूर्ण वातावरणामध्ये योग दिनाचे यशस्वी आयोजन शाळेमध्ये करण्यात आले.

शाळेचा प्रवेशोत्सव सोहळा १८ जून २०१९

 *विनायक प्राथमिक शाळेत प्रवेशोत्सव साजरा*
दि.17 जुन -(बीड प्रतिनिधी) विनायक प्राथमिक शाळेत शाळेच्या पहिल्या दिवशी प्रवेशोत्सव घेण्यात आला,ढोल ताशे वाजवून लहान मुलांचे स्वागत करण्यात आले.प्रसंगी शाळेच्या मुख्याध्यापिका सौ. किर्तीताई पांगारकर यांच्या हस्ते शाळेतील सर्व मुलामुलींचे पुष्पगुच्छ देऊन स्वागत करण्यात आले.याप्रसंगी शाळेतील सर्व शिक्षक शिक्षिका यांनी प्रत्येक मुलांचे पुष्पगुच्छ देऊन स्वागत केले व त्यांचा उत्साह वाढवला, शाळेच्या पहिल्या दिवशी सर्व मुलामुलींना मिठाई वाटप करून मोफत पुस्तके वाटप करण्यात आले.शाळेच्या मुख्याध्यापिका किर्तीताई पांगारकर यांनी शाळेचे वार्षिक नियोजन ,उपक्रम यांचा आढावा घेतला व विद्यार्थ्यांच्या सर्वांगीण विकासासाठी विविध सुचना, मार्गदर्शन केले.शाळेच्या मुख्याध्यापिका यांनी नवीन शैक्षणिक वर्षाच्या पहिल्या दिवशी शाळेमध्ये वृक्षारोपण केले व शाळेतील मुलांना वृक्षारोपनाचे महत्व समजावून सांगितले सर्वांनी एक झाड आपापल्या अंगणात लावावे असा मौलीक संदेश दिला.अशा प्रकारे शाळेमध्ये नवीन शैक्षणिक वर्षाची सुरुवात मोठ्या उत्साहात पार पडली.