विज्ञान दिवस

*विनायक प्राथमिक शाळेत राष्ट्रीय विज्ञान दिन साजरा*
बीड(प्रतिनिधी)दि-२८ फेब्रुवारी रोजी विनायक प्राथमिक शाळेत राष्ट्रीय विज्ञान दिवस शाळेच्या मुख्याध्यापिका सौ.किर्तीताई पांगारकर यांच्या हस्ते जागतिक नोबेल पुरस्कार प्राप्त चंद्रशेखर व्यंकट रामन यांच्या प्रतिमेचे पुजन करून प्रमुख पाहुणे शेषेराव वाघमारे सर,भारती क्षीरसागर मॅडम यांच्या उपस्थितीत कार्यक्रमाची सुरुवात करण्यात आली.शाळेतील शिक्षक श्री.शेषेराव वाघमारे सर,उत्तरेश्वर भारती सर, दिलीप तकीक सर,बाळू काळे सर,शिवलिंग क्षीरसागर सर, वैजिनाथ गिराम सर,अजीजराजा शेख सर,अनिल लेहणे सर,विवेक गव्हाणे सर,नईम पठाण सर,शैलजा बावस्कर मॅडम,शहेबाज शेख सर,सिमा उदगीरकर मॅडम,मनीषा चौधरी मॅडम,अशोक काशीद सर,वर्षा म्हेत्रे मॅडम,संजीवनी पवळ मॅडम,अमोल पाटोळे सर,गणेश भागडे,यांनी विज्ञान दिनाचे महत्व लक्षात घेऊन विविध विज्ञान प्रयोगाचे प्रात्यक्षिक सादर करून विद्यार्थ्यांना मार्गदर्शन केले.शाळेतील मुलांनी पण आपापले प्रयोग सादर करून आपल्या शोधक,कल्पक वृत्तीचे दर्शन घडवले.भारताच्या विकासाच्या इतिहासात भारतीय विज्ञान व तंत्रज्ञान युगात भारतीय वैज्ञानिकांचे मोलाचे योगदान आहे.भारत आज जगाच्या नकाशावर एक अग्रभागी, बलशाली असणारा देश ओळखला जातो आहे.भारताच्या संरक्षण व विज्ञान तंत्रज्ञान क्षेत्रामध्ये भारताचे महान वैज्ञानिक चंद्रशेखर व्यंकट रामन, डॉ,ए.पि.जे.अब्दुल कलाम सारख्या अनेक लोकांनी देशाच्या विज्ञान व तंत्रज्ञान क्षेत्रामध्ये अभूतपूर्व असे योगदान दिले आहे. चंद्रशेखर व्यंकट रामन यांच्या अलौकिक शोध निबंधास जागतिक नोबेल पुरस्कार मिळाला ही आपल्या भारताच्या इतिहासातील अभिमानाची अशी गोष्ट आहे म्हणून त्यांच्या सन्मानार्थ आपण राष्ट्रीय विज्ञान दिन हा प्रत्येक वर्षी साजरा करून त्यांच्या कार्याला सन्मान देतो असे आपल्या अध्यक्षीय मनोगतातून शाळेच्या मुख्याध्यापिका सौ. किर्तीताई पांगारकर यांनी विद्यार्थ्यांना विज्ञान दिनाचे महत्व विशद करून वैज्ञानिक दृष्टिकोन लक्षात घेऊन आपण नवनवीन शोधक वृत्तीने, विज्ञान क्षेत्रामध्ये विकास करण्यासाठी अभ्यास केला पाहिजे असे महत्वपूर्ण मार्गदर्शन करून छोट्या छोट्या मुलांनी विज्ञान दिनानिमित्त केलेल्या विज्ञान प्रात्यक्षिकांचे कौतुक केले.शाळेतील विज्ञान प्रदर्शनात विविध मुला मुलींनी सहभाग घेतला व आपापल्या प्रयोगाची सखोल माहिती उपस्थित मान्यवरांना करून दिली.
   राष्ट्रीय विज्ञान दिन साजरा करण्यासाठी शाळेतील सर्व शिक्षक, शिक्षकेत्तर कर्मचारी लक्ष्मण फुलमाळी, लक्ष्मण चव्हाण मामा यांचे मोलाचे सहकार्य लाभले.कार्यक्रमाचे सुंदर सूत्रसंचालन तन्वीर पठाण सरांनी केले तर आभार सुनीता चौधरी मॅडम यांनी मानले.

विनायक प्राथमिक शाळेत शिवजयंती उत्साहात साजरी

Vivekgavhane88@gmail.com*एक आदर्श राजे छत्रपती शिवराय-सौ.किर्तीताई पांगारकर*
बीड प्रतिनिधी-  शिवजयंती निमित्त विनायक प्राथमिक शाळेत मोठ्या उत्साहात शिवजयंती साजरी करण्यात आली. या कार्यक्रमाची सुरुवात शिवरायांच्या प्रतिमेचे पुजन शाळेच्या मुख्याध्यापिका सौ. किर्तीताई पांगारकर यांच्या शुभहस्ते करण्यात आले,याप्रसंगी प्रमुख पाहुणे अजिंक्य चांदणे सर, श्रीमती चौधरी सुनीता मॅडम, उपस्थित होते. छत्रपती शिवरायांच्या विचारांचा,कार्याचा आढावा श्री.उत्तरेश्वर भारती सरांनी आपल्या प्रास्ताविकातून घेतला. शाळेतील मुले शेख साद,आदर्श आरे, गुंजाळ कल्पना, रोहन गुंजाळ, इम्रान शेख, आनेराव आदिनाथ, अल्तमश सय्यद यांनी छत्रपती शिवरायांच्या कार्यांची महती भाषणातून व्यक्त केली.शाळेचे शिक्षक श्री. वैजिनाथ गिराम सर,भारती क्षीरसागर मॅडम, प्रमुख खास वक्ते अजिंक्य चांदणे सर,श्री.तन्वीर पठाण सर,शिवलिंग क्षीरसागर,विवेक गव्हाणे सर,सुनीता चौधरी मॅडम,अशोक काशीद सर,बाळू काळे सर,दिलीप तकीक सर,शैलजा बावस्कर मॅडम,मनिषा चौधरी मॅडम,गणेश भागडे सर,संजीवनी पवळ मॅडम,नईम पठाण सर यांनी छत्रपती शिवाजी महाराज यांच्या कार्याची माहिती विद्यार्थ्यांना करून दिली.छत्रपती शिवराय हे एक आदर्श राजे ज्यांच्या पराक्रमाची अगाध महिमा आजही आपल्या प्रत्येकाच्या मनात घर करून आहे. छत्रपती शिवराय हे महान राजे आपल्या महाराष्ट्राच्या मातीत जन्म घेऊन एक आदर्श हिंदवी स्वराज्याचे देखणे स्वप्न साकार करून, एक महान राजे अजरामर आहेत. त्यांचे कार्य, आदर्श विचार, धर्मनिरपेक्षता, सामाजिक बांधिलकी खूप मोलाची आहे त्यांचे विचार आपण आत्मसात करून आपण कार्य केले पाहिजे असे आपल्या अध्यक्षीय भाषणांतून शाळेच्या मुख्याध्यापिका सौ. किर्तीताई पांगारकर यांनी मनोगत व्यक्त केले.हा शिवजयंतीचा कार्यक्रम यशस्वी होण्यासाठी शाळेतील सर्व शिक्षक, शिक्षिका, शिक्षकेत्तर कर्मचारी लक्ष्मण फुलमाळी मामा,लक्ष्मण चव्हाण मामा यांचे मोलाचे सहकार्य लाभले.कार्यक्रमाचे खास सूत्रसंचालन श्री.विवेक गव्हाणे सरांनी केले तर उपस्थित मान्यवरांचे आभार श्रीमती शारदा बहिरमल मॅडम यांनी मानले.

गांधीनगर विभाग आनंदनगरी आयोजन

*विनायक प्राथमिक शाळेत आनंदनगरी उत्साहात संपन्न*

बीड प्रतिनिधी- दि.13 फेब्रुवारी या दिवशी विनायक प्राथमिक शाळेत खरी कमाई उपक्रमाअंतर्गत आनंदनगरीचे आयोजन करण्यात आले. या आनंदनगरी चे उदघाटन शाळेच्या मुख्याध्यापिका सौ.किर्तीताई पांगारकर व माध्यमिक शाळेचे मुख्याध्यापक श्री. विश्वनाथ सपकाळ सर,पत्रकार इम्रानजी शाह यांच्या शुभहस्ते फित कापून करण्यात आले. याप्रसंगी बीड न.प. नूतन सभापती इलियासजी सय्यद,सामाजीक कार्यकर्ते कालूजी बेग, समस्त विद्यार्थी पालक महेबूब बागवान, शंकर गायकवाड, तौफिक बागवान, अनिस शेख,शाळेतील श्रीमती भारतीताई क्षीरसागर मॅडम,शैलजा बावस्कर मॅडम,सेवानिवृत्त शिक्षिका तायडे मॅडम, बाळू काळे सर,उत्तरेश्वर भारती सर,सुनीता चौधरी मॅडम, अशोक काशीद सर, शिवलिंग क्षीरसागर सर,दिलीप तकीक सर,तन्वीर पठाण सर,अजिंक्य चांदणे सर,अजीजराजा शेख सर,विवेक गव्हाणे सर, गणेश भागडे सर, अमोल पाटोळे सर,सिमा उदगीरकर मॅडम,प्रतिभा वाघमारे मॅडम,मनीषा चौधरी मॅडम,रिता वाघमारे मॅडम,म्हेत्रे मॅडम,मुंडे मंगल मॅडम, संजीवनी पवळ मॅडम,अनिल लेहणे सर,शहेबाज शेख सर, नईम पठाण सर,अंकुर इंग्लिश स्कुल च्या शिक्षिका मिस पठाण मॅडम, मिस भोसले मॅडम,मिस शाहीन मॅडम यांची प्रमुख उपस्थिती होती.शाळेतील लहान मुला-मुलींनी आपापले खाऊंचे दुकाने लावली होती.जो तो खरी कमाई करण्यात दंग होता.ही लहान मुले मोठ्या कौतुकाने आपले दुकान चालवत होती. विदयार्थी व त्यांचे पालक मोठ्या प्रमाणावर उपस्थित होते.शाळेच्या मुख्याध्यापिका किर्तीताईनी प्रत्येक मुलांच्या दुकानाची भेट घेतली व मोठ्या आपुलकीने त्या मुलांशी व्यावहारिक ठोकताळे ,दुकानातील खाऊं प्रत्यक्ष खरेदी करून विद्यार्थ्यांना खरी कमाई यांचे महत्व समजावून सांगत होत्या.शाळेतील सर्व शिक्षक, शिक्षिका यांनी या आनंदनगरी मध्ये मुलांनी तयार करून आणलेले पदार्थ खरेदी करून त्यांना व्यवहाराचे महत्व समजावून सांगितले.या  आनंदनगरी मध्ये वडापाव, कचोरी,समोसे,पापड, गुलाबजामुन,भेळपुरी,चहा,खमंग ढोकळा,अननस,चिक्की, पाणीपुरी,शैक्षणिक साहित्य,मजेशीर विविध खेळ, गंमती जमती,पावभाजी, शेंगदाणे, पाणी, गाजर हलवा अशा वेगवेगळ्या प्रकारचे आपआपले टॉल मुलांनी लावले.यातून त्यांनी खूप खरी कमाई केली.शाळेच्या मुख्याध्यापिका सौ.किर्तीताईंनी या खऱ्या कमाईचे महत्व सांगून खरी कमाई आपल्याला स्वावलंबन शिकवते.व्यावहारीक ज्ञान कळते,आपल्याला नफा तोटा कळतो, नफा कसा मिळवायचा यासाठी आपण प्रयत्न करतो, जीवन जगण्यासाठी पैसे कमवावे लागतात यासाठी तुम्ही अभ्यास करा, मोठे व्हा, नोकरीला लागाल,काम कराल, मेहनत कराल तेंव्हा त्याचा मोबदला म्हणून तुम्हाला पैसा मिळेल हीच तुमची खरी कमाई तुम्हांस स्वावलंबी बनवून तुमच्या जीवनात आनंद निर्माण करील अशा आपल्या अध्यक्षीय मार्गदर्शनातून शाळेच्या मुख्याध्यापिका किर्तीताई पांगारकर यांनी आनंदनगरीच्या समारोपाप्रसंगी मत व्यक्त केले. शाळेतील शिक्षकांनी मुलांना खऱ्या कमाईचे महत्व समजावून सांगितले.या आनंदनगरी कार्यक्रमासाठी शाळेतील सर्व शिक्षक, शिक्षिका, शिक्षकेत्तर कर्मचारी लक्ष्मण फुलमाळी,लक्ष्मण चव्हाण मामा यांचे मोलाचे योगदान लाभले.