डॉ. बाबासाहेब आंबेडकर जयंती साजरी२०२२

 *विनायक प्राथमिक शाळेत डॉ. बाबासाहेब आंबेडकर यांची जयंती साजरी*

दि. १४ एप्रिल ( बीड प्रतिनिधी)- भारतीय संविधानाचे प्रणेते भारतरत्न डॉ.बाबासाहेब आंबेडकर यांच्या जयंतीनिमित्त शाळेच्या मुख्याध्यापिका सौ. किर्तीताई पांगारकर यांच्या हस्ते भारतीताई क्षीरसागर, अशोक काशीद सर,महानंदा मुंडे मॅडम, शैलजा बावसकर, दिलीप तकीक सर,तन्वीर पठाण सर यांच्या प्रमुख उपस्थिती मध्ये डॉ. बाबासाहेब आंबेडकर यांच्या प्रतिमेचे पूजन करण्यात आले.डॉ. बाबासाहेब आंबेडकरांच्या जीवनकार्याचा माहिती शाळेचे शिक्षक अजीजराजा शेख सरांनी दिली.शाळेतील शिक्षिका प्रतिभा वाघमारे मॅडम,संगिता वडमारे मॅडम, रिता वाघमारे मॅडम यांनी ज्ञानाचा अथांग सागर भारतरत्न, भारतीय संविधानाचे शिल्पकार  डॉ.बाबासाहेब आंबेडकर यांच्याविषयी मनोगत व्यक्त केले. शाळेच्या मुख्याध्यापिका सौ. किर्तीताई पांगारकरांनी आपल्या अध्यक्षीय भाषणांतून डॉ. बाबासाहेबांच्या जीवनातील अनेक ऐतिहासिक प्रसंगांचे वर्णन करून दिनदलितांचे कैवारी, न्याय व त्यांचे हक्क मिळवून देण्यासाठी आपले संपूर्ण जीवन अर्पण करून अजरामर झाले अशा महामानवांच्या विचारांची आजही गरज आहे असे महत्वपूर्ण विचार व्यक्त करून अभिवादन व्यक्त केले. या जयंतीनिमित्त शाळेत डॉ. बाबासाहेब आंबेडकर यांच्या जयंती निमित्त विविध स्पर्धा संपन्न झालेल्या विद्यार्थ्यांना बक्षिसे देण्यात आली.या जयंतीनिमित्त शाळेतील सर्व शिक्षक, शिक्षिका, शिक्षकेत्तर कर्मचारी यांनी उपस्थित राहून डॉ. बाबासाहेब आंबेडकर यांना अभिवादन करण्यात आले.

महात्मा ज्योतिबा फुलें ची जयंती साजरी २०२२

 *विनायक प्राथमिक शाळेत महात्मा ज्योतिबा फुले यांची जयंती साजरी*

 दि- ११ एप्रिल ( बीड रिपोर्टर) शहरातील विनायक प्राथमिक शाळेत क्रांतिसूर्य महात्मा ज्योतिबा फुले यांच्या जयंतीनिमित्त कार्यक्रमाचे अध्यक्षा शाळेच्या मुख्याध्यापिका सौ. किर्तीताई पांगारकर, प्रमुख पाहुणे श्री.तन्वीर पठाण सर ,श्री.उत्तरेश्वर भारती सर यांच्या शुभहस्ते क्रांतिसूर्य महात्मा ज्योतिबा फुलेंच्या प्रतिमेचे पूजन करण्यात आले.थोर समाजसुधारक, स्त्री शिक्षणाचे प्रणेते महात्मा ज्योतिबा फुलेंच्या सामाजिक, शैक्षणिक कार्यांचा आढावा श्री. विवेक गव्हाणे सरांनी आपल्या प्रास्ताविकपर मनोगतातून व्यक्त केला.विविध विद्यार्थ्यांनी महात्मा ज्योतिबा फुलेंच्या विषयी आपले मनोगत व्यक्त केले.शाळेतील मुलांनी महात्मा ज्योतिबा फुलेंची केलेली वेशभूषा लक्ष वेधून घेत होती. अनिष्ठ रूढी परंपरेला न जुमानता क्रांतीची मशाल पेटवण्यासाठी,स्त्री शिक्षणाच्या प्रसारासाठी अहोरात्र प्रयत्न करणारे महात्मा ज्योतिबा फुले अजरामर होऊन गेले असे मौलिक विचार प्रमुख पाहुणे शाळेचे शिक्षक श्री. तन्वीर पठाण सर यांनी व्यक्त केले. शाळेतील शिक्षिका सौ. संजीवनी पवळ मॅडम, मनीषा चौधरी मॅडम, शैलजा बावस्कर मॅडम , शारदा बहिरमल मॅडम, प्रतिभा वाघमारे मॅडम, सिमा उदगीरकर मॅडम, महानंदा मुंडे मॅडम यांनी क्रांतिसूर्य ज्योतिबा फुलेंच्या जीवनातील कार्य याबद्दल मार्गदर्शन केले.स्त्री यांच्या कल्याणासाठी, शिक्षणासाठी, अनिष्ठ चालीरीती, समाजप्रबोधन, सामाजिक असमतोल नसावा, सर्व धर्म समभाव अशा विचारांची ज्योत पेटवणारे महात्मा ज्योतिबा फुले एक असामान्य विचारवंत, समाजसुधारक होऊन गेले. चूल आणि मूल या चौकटीत स्त्रियांना न ठेवता तिला स्वतंत्र करण्यासाठी खुप त्रास सहन केला अशा ज्योतिबा फुलेंमुळे आज महिला शिक्षित होऊन महत्वाच्या स्थानांवर कार्य करत आहेत याचा अभिमान वाटतो असे आपल्या अध्यक्षीय समारोपीय सविस्तर मार्गदर्शनातून सौ. किर्तीताई पांगारकर यांनी विद्यार्थ्यांना संबोधित करून महात्मा ज्योतिबा फुलेंच्या जयंतीनिमित्त अभिवादन व्यक्त केले. या जयंती कार्यक्रमासाठी शाळेतील सर्व शिक्षक, शिक्षिका यांचे विशेष सहकार्य लाभले. कार्यक्रमाचे सुंदर सूत्रसंचालन श्री. अजीजराजा शेख सरांनी केले तर उपस्थित मान्यवरांचे आभार श्रीमती. वर्षा म्हेत्रे मॅडम यांनी मानले.